Bugatti身價二千萬　星星互賞色

[img]http://hk.apple.nextmedia.com//images/apple-photos/apple_sub/20110708/large/08ff1pNEW.jpg[/img]

女人愛鑽飾，男人就愛轉色，飛機遊艇無乜好搞，創意大多落晒最引以自豪嘅愛驅上。法國品牌 Bugatti，唔止 1,001匹同近二千萬身價夠話題性，車廠更在港正式設立華麗 Showroom，點裝點襯即時同你傾，去 Ball去威就唔怕同其他富豪撞色啦！

[size=20pt][b]四門款將設右軚版[/size][/b]
[img]http://hk.apple.nextmedia.com/images/apple-photos/apple_sub/20110708/large/08ff9p.jpg[/img]
[size=8pt]■新 Showroom佔地毋須多，擺一架 Grand Sport足以震懾灣仔汽車街。[/size]

提起千匹超跑 Bugatti，個個都知係地上最強，但喺香港想一睹其廬山真貌，除咗「元」仲要有「緣」；身價達 170萬歐元，唔使篤計數機都計到超過 1,900萬港元，仲未計稅！緣份者，係車廠拿回代理權，自行在港經銷，更在插針不入嘅告士打道汽車街設立華麗舞台，等港人可以近距離欣賞 Grand Sport雄姿，毋須再上網睇相乾流口水。 Bugatti的 Head of Sales& Maketing Dr.Brungs日前剛到香港接受訪問時，話明預計中國將凌駕美國，成為 Bugatti最大市場，而香港 Showroom係第一炮，跟住輪到北京同上海。最叫人興奮嘅，係下一款 Bugatti將屬四門款式，且破天荒加入右軚版本，香港富豪肯定揸得更 High更順手。

[img]http://hk.apple.nextmedia.com/images/apple-photos/apple_sub/20110708/large/08ff2p.jpg[/img]
[size=8pt]■法國人零舍有藝術氣息， Grand Sport猶如件工藝品。[/size]

[img]http://hk.apple.nextmedia.com/images/apple-photos/apple_sub/20110708/large/08ff10p.jpg[/img]
[size=8pt]■想進內睇車須事先預約，再坐喺 VIP房慢慢傾。[/size]

[size=20pt][b]$680,000噴七層鍍金[/size][/b]
[img]http://hk.apple.nextmedia.com/images/apple-photos/apple_sub/20110708/large/08ff6p.jpg[/img]
[size=8pt]■橙色內櫳唔刺眼，望落仲好 Grand好舒服。[/size]

外國 Bugatti車主大多偏愛玩嘢，將 Grand Sport襯上唔同配色，你試用 Google圖片搜尋 Bugatti，會彈出一堆五顏六色嘅 Bugatti，好有個人特色。除經典嘅鍍銀鍍金外，仲見到咖啡 Style及 Pink Lady，玩味相當高。問番 Dr.Brungs，原來車裏車外點樣襯都無底線，唔同顏色嘅碳纖、皮料及木料都全部任你揀，講得出佢就做得到，唔太刁鑽嘅話，交車期同普通版一樣係 6至 9個月，仲會喺 7層塗裝前先試噴一次俾你睇。價錢好難一概而論，以高難度鍍金鍍銀嚟計，大概會加收 6萬歐元（約港幣 68萬），幾十萬噴車好似好貴，但以二千萬車價嚟睇，佔嘅百分比同你換個 iPhone套差不多咋！

[img]http://hk.apple.nextmedia.com/images/apple-photos/apple_sub/20110708/large/08ff4p.jpg[/img]
[size=8pt]■超跑要起角？ Bugatti就貫徹圓渾美感。[/size]

[img]http://hk.apple.nextmedia.com/images/apple-photos/apple_sub/20110708/large/08ff8p.jpg[/img]
[size=8pt]■錶板當然可盡情客製化，任你配色。[/size]

[img]http://hk.apple.nextmedia.com/images/apple-photos/apple_sub/20110708/large/08ff11p.jpg[/img]
[size=8pt]■與 Hermé s互乘的限量版[/size]

[img]http://hk.apple.nextmedia.com/images/apple-photos/apple_sub/20110708/large/08ff12p.jpg[/img]
[size=8pt]■鍍金襯啞黑頭冚 [/size]

[img]http://hk.apple.nextmedia.com/images/apple-photos/apple_sub/20110708/large/08ff13p.jpg[/img]
[size=8pt]■九成鍍銀[/size]

[img]http://hk.apple.nextmedia.com/images/apple-photos/apple_sub/20110708/large/08ff14p.jpg[/img]
[size=8pt]■咖啡風格配色[/size]

[img]http://hk.apple.nextmedia.com/images/apple-photos/apple_sub/20110708/large/08ff15p.jpg[/img]
[size=8pt]■ Pink Lady[/size]

[img]http://hk.apple.nextmedia.com/images/apple-photos/apple_sub/20110708/large/08ff16p.jpg[/img]
[soze=8pt]■車內物料及顏色可任襯，但加裝電視等設備就唔得。[/size]

[size=20pt][b]千配色組合免費玩[/size][/b]
[img]http://hk.apple.nextmedia.com/images/apple-photos/apple_sub/20110708/large/08ff17p.jpg[/img]
唔係富豪一樣可過吓 Bugatti配色癮，喺官網中嘅 Configurator入面，就提供車身同內櫳配色系統，由 70種基本色到 3種碳纖，任你自由配搭互乘，甚至細緻到連 Brake碟、油缸蓋到車門簽名花紋都有，總共超過 1,000種組合，放心，完全免費！

[節錄...]

來源:蘋果日報網站